Afpantanir

Greiðslur fyrir staðfestingu pantana sem og greiðslur fyrir veiði í Ármóti eru ekki endurgreiddar ef veiðimenn forfallast og greiðslurnar eru

Afpantanir

Greiðslur fyrir staðfestingu pantana sem og greiðslur fyrir veiði í Ármóti eru ekki endurgreiddar ef veiðimenn forfallast og greiðslurnar eru ekki nothæfar sem greiðsla fyrir veiði næsta árs þar sem búið var að taka frá veiðidagana sem forfölluðust, sem annars hefðu verið seldir öðrum.

Ef það er hins vegar laust innan sama árs, á þeim tíma sem hentar þeim sem forfallast, er velkomið að nota greiðslur vegna veiðiferða sem forfallast upp í nýja veiðiferð innan sama árs.

Fréttir

12.09.11

Gæsaveiðin hafin í Ármóti

Þá er gæsaveiðin hafin í Ármóti og óhætt að segja að vertíðin byrji vel, því ekki vantaði gæsina og aflinn eftir því eins og sést á meðfylgjandi mynd.

Nú fer hver að verða síðastur að bóka veiði svo við bendum áhugasömum á að hafa samband sem fyrst á info@hunt.is



Lesa meira

12.07.11

Nú styttist í gæsaveiðina

Nú styttist óðum í að gæsaveiði í Ármóti hefjist. Sala veiðileyfa er hafin og þeir allra hörðustu hafa nú þegar tryggt sér sína daga til skotveiða enda fátt skemmtilegra en að veiða gæs í góðum félagsskap.

Áhugsömum veiðimönnum er bent á að hafa samband á info@hunt.is.


20.10.10

Frakkar með góðan morgun í Ármóti

Fengum þessa skemmtilegu mynd frá Róbert Schmidt en hann kom í Ármót um daginn  með franska veiðimenn ásamt Dúa Landmark sem notaði tækifærið og kvikmyndaði ferðina til íslands fyrir franskt sjónvarp.



Lesa meira

14.10.10

Sjónvarpsþáttagerðarmenn að gæsaveiðum



Í morgun var Dúi Landmark sjónvarpsþáttargerðarmaður ásamt frönskum veiðimönnum að veiðum í Ármóti og ekki skemmdi fyrir að akrarnir voru svartir af fugli. Búið var að grafa myndatökumenn niður í akrana til að ná sem bestum myndum að skyttunum við veiðarnar og hættu menn ánægðir með um 30 fugla.

Miðað við magnið sem er núna á svæðinu má gera ráð fyrir góðri veiði næstu daga og líklegir veiðimenn hvattir til að hafa samband á info@hunt.is Lesa meira

14.10.10

Síðasta vika í sól og logni

Það var mikið um að vera í Ármóti í síðustu viku, en alls voru 14 veiðimenn hjá okkur, þar af tveir frá Austurríki. Veðrið var óvenjugott eins og allir hafa fundið fyrir, mikil hlýindi og lítill vindur. Engu að síður var heildarveiðin tæpir 150 fuglar sem verður að teljast gott miðað við aðstæður.

Það viðrar betur til gæsaveiða þessa vikuna en mjög mikið hefur verið af gæs síðustu tvo daga, ekki hundruð heldur miklu nær í þúsundum.


Lesa meira

Skoða allar fréttir
moya - Útgáfa 1.14 2010 - Stefna ehf